Si Hannah Adtoon Leceña ay kasalukuyang nagtuturo ng Malikhaing Pagsulat sa Philippine High School for the Arts sa bundok Makiling Los Banos, Laguna habang nag-aaral ng PhD in Malikhaing Pagsulat sa UP-Diliman. Siya ay isang spoken word performer mula sa Kiamba Sarangani, Rehiyon 12. Nagtapos ng BSEd-Filipino sa MSU-General Santos City (Cum Laude) at Master of Arts in Education Major in Filipino sa Notre Dame of Marbel University. Nakapagperform siya sa Perfurmatura 2020 at 2023 ng Cultural Center of the Philippines. Ang kanyang pananaliksik sa Filipino ay kinilalang pinakamahusay na papel sa klaster sa Wika, isang timpalak na pinangunahan ng DLSU Filipino Department. Fellow din siya ng mga writing workshop tulad ng Iligan National Writers Workshop, Davao Writers Workshop, Bathalad Sugbu Creative Writing Workshop, 20TH IYAS National Writing Workshop, 59th Silliman, 5th Amelia-Lapena-Bonifacio Writing Workshops, Gemino-Abad Seminar Workshop for Teachers in Creative Writing, 11th Kritika Kultura ng DLSU at Palihang Rogelio Sicat 16 at 63rd UP National Writers Workshop. Ang kanyang mga Sugilanon at Nobela ay nakatanggap ng Jimmy Balacuit Literary Awards for Fiction, Satur Apoyon Prize, 2nd Place sa PNU Normal Awards sa kategoryang Nobelang Pangkabataan na Tandong at Grand Prize Winner sa Lampara Prize, Middle Grade Category ang YA novel niyang Si Duday Taga-Baybay. Mababasa ang kanyang mga katha sa Diliman Review, Dx Machina Volume 5, Luntian Online Journal, Kawing Refeered Journal, Dagmay, Bulawan Literary Journal, Katitikan, Anti-Katha isang antolohiya ng Philippine Writer Series, Entrada atibapa. Ang Jonas: Nobela sa Wikang Sebwano ng Komisyon sa Wikang Filipino o KWF Publikasyon ang kauna-unahan niyang aklat. Ngayon ay kabilang sa SOX Writers Collective. Naging recipient ng Publication Grant 2022 ng National Book Development Board. Nagwagi siya sa 63rd Don Carlos Palanca Memorial Awards sa kategoryang Maikling Kuwentong Siya si Ril